მომღერალმა აღნიშნა, რომ 9 აპრილს დაგეგმილ აქციაზე მონაწილეებს დიდი პასუხისმგებლობა ეკისრებათ, რათა არ მოხდეს პროვოკაცია და დაპირისპირება. ამიტომაც აქციის მონაწილეებმა თავი უნდა შეიკავონ კარვების ტერიტორიაზე მისვლისაგან.
„მე 9 აპრილის მონაწილე ვარ და ამ დღეს ჩემთვის განსაკუთრებული , საკრალური მნიშვნელობა აქვს. მიუხედავად ამისა, მეც თავს შევიკავებ მემორიალთან მისვლისაგან. ჩვენი აქციის მონაწილეებსაც ამას მოვუწოდებ,“-ამბობს მომღერალი.
მანჯავიძე ფიქრობს, რომ პარლამენტის წინ მიმდინარე აქციის ორგანიზატორებმა, უნდა გაითვალისწინონ საზოგადოების ინტერესი და ასეთ დროს დროებით უნდა შეწყვიტონ აქციები.
„მათ რომ ელემენტარული შეგნება ჰქონდეთ და „ბანდერლოგებივით“ არ იქცეოდნენ, უნდა ხვდებოდნენ ამას. 9 აპრილი ისეთი თარიღია, მე რომ მათ ადგილზე ვიყო შევწყვეტდი აქციას, ხალხს მემორიალთან მისვლის საშუალებას მივცემდი და მერე გავაგრძელებდი...მაგრამ მათ მიერ აქამდე მიღებული გადაწყვეტილებები მაფიქრებინებს, რომ მსგავსს არაფერს გააკეთებენ,“- ამბობს ზურა მანჯავიძე.