ბათუმში, 26 მაისის ქუჩაზე, ჩამონგრეული კორპუსის მომიჯნავე კორპუსიდან ადამიანების სასწრაფო ევაკუაცია მიმდინარეობს. დადგინდა, რომ პირველ სართულზე დაზიანებულია მზიდი კედელი, რის გამოც შენობაში ცხოვრება სახიფათოა.კორპუსების მცხოვრებლების ევაკუაცია დროებით, პრევენციის მიზნით ხორციელდება იქამდე, ვიდრე კორპუსზე გამაგრებით სამუშაოებს ჩაატარებენ.ბინათმესაკუთრეთა ამხანაგობის თავმჯდომარის განცხადებით, კორპუსის პირველ სართულზე კომერციულ ფართს აწყობდნენ და მზიდი კედლის დაზიანება ამან გამოიწვია. მისივე თქმით, ცოტა ხნის წინ დაუკავშირდნენ ექსპერტიზის სამსახურიდან და სთხოვეს მეზობლების ინფორმირება.
ამ წუთებში, მოსახლეობასთან ბათუმის მერის მოვალეობის შემსრულებელი, ლელა სურმანიძე მივიდა.