„არ ვფიქრობ, რომ ინდივიდუალური შემთხვევა განსაზღვრავს ჩვენს ევროპულ მომავალს“, - ამის შესახებ საქართველოს პრეზიდენტმა, სალომე ზურაბიშვილმა Bloomberg-თან ინტერვიუში, მიხეილ სააკაშვილის შეწყალებასთან დაკავშირებით დასმული კითხვის საპასუხოდ განაცხადა.მედია წერს, რომ ზურაბიშვილმა, რომელსაც მიხეილ სააკაშვილის შეწყალების ბერკეტი აქვს, თავის გეგმებზე არ ისაუბრა.
კანდიდატის სტატუსის მინიჭებაზე საუბრისას საქართველოს პრეზიდენტმა განაცხადა, რომ „დადგა დრო, ევროპამ სტრატეგიული გადაწყვეტილებები მიიღოს“.
მისი თქმით, საქართველოსთვის კანდიდატის სტატუსის არმინიჭებამ, შესაძლოა, რუსეთი გაათამამოს.
პრეზიდენტის თქმით, საქართველოს ევროკავშირის ფორმალური კანდიდატობის სტატუსის არმიღების კიდევ ერთი საშუალება არ გააჩნია.
„თქვენ უნდა მოგვცეთ კანდიდატის სტატუსი. ჩვენ არ ვართ სრულყოფილი, ვიცი, რომ არის რაღაცები, რასაც არ ვაკეთებდით, მაგრამ ვფიქრობ, მიუხედავად ყველაფრისა, ჩვენ უნდა წავიდეთ წინ“, - განაცხადა ზურაბიშვილმა.