კახა კალაძემ კიდევ ერთხელ ისაუბრა პანდემიის გამო წარმოდგენილ დახმარებების იმ პაკეტზე, რომლის შესახებაც საზოგადოებისთვის ცნობილი გუშინ გახდა.
„300 - ლარიანი დახმარება შეზღუდულ ობიექტებში დასაქმებულ პირთათვის - ბენეფიციართა სავარაუდო რაოდენობა 200 000-მდე პირი იქნება, ეს არის ერთჯერადი დახმარება;
კომუნალური ხარჯების სუბსიდირება 4 თვის განმავლობაში, ნოემბრიდან თებერვლის განმავლობაში - სავარაუდოდ, ეს სუბსიდირება შეეხება მილიონზე მეტ ადამიანს;
1 200 ლარიანი - დახმარება სამსახურდაკარგულ პირთათვის, იანვრიდან ივნისის თვემდე, 6 თვის განმავლობაში - ბენეფიციარების სავარაუდო რაოდენობა იქნება 125 000 ადამიანი, ეს არის 200 - ლარიანი დახმარებები;
0-დან 100 000- ქულამდე ოჯახებისთვის 3 ან მეტი 16 წლამდე ბავშვით, 100 ლარიანი დახმარება 6 თვის განმავლობაში, იანვრიდან ივნისის ჩათვლით სავარაუდოდ შეეხება 24 000 ოჯახს;
ასევე, 18 წლამდე შშმ და მკვეთრად გამოხატული შშმ პირთათვის 100 ლარიანი დახმარება მომდევნო 6 თვის განმავლობაში, ბენეფიციარების სავარაუდო რაოდენობა არის 43 000 პირი“. - განაცხადა კალაძემ.
კახა კალაძემ ასევე ისაუბრა ბიზნესის მხარდაჭეტის პროგრამაზე.
„1 500 ლარამდე ხელფასის საშემოსავლო გადასახადის სუბსიდირება დეკემბერიდან მაისის თვის ჩათვლით. ბენეფიციარებსი სავარაუდო რაოდენობაა 33 000 კომპანია და 425 000 პირი;ტურიზმის სექტორი: სასტუმროები, რესტორნები 2021 წელს გათავისუფლდებიან ქონების გადასახდისგან, ასევ ტურიზმის სექტორი 2020 წლის 4 თვის გადავადებული საშემოსავლო გადასახდიდან გათავისუფლდება, რესტორნების და სასტუმროების სესხების სუბსიდირება 6 თვის განნმავლობაში - ბენეფიციარების რაოდენობაა 1 400 კომპანია;სესხების გადავადება კომპანიებისთვის - 2021 წელს აქტიურად გაგრძელდება საკრედიტო საგარანტიო ფონდების მუშაობა, რომელიც დაეხმარება კერძო სექტორს, როგორც არსებული სესხების რესტრუქტურიზაციაში, ასევე ახალი სესხების მოზიდვაში“, - განაცხადა კალაძემ .
თბილისის მერის განცხადებით, მომდევნო კვირიდან დაიწყებენ მუშაობას იმისთვის, რომ დაეხმარონ ოჯახებს, რომლებსაც ყველაზე მეტად სჭირდებათ თანადგომა და მხარდაჭერა. ამასთან, კალაძემ მადლობა გადაუხადა საზოგადოებას, ბიზნსსექტორს მხარდაჭერისთვის.