რა ხდება ამ წუთებში იმედზე არავინ იცის.. შეწყვეტილია "იმედის", "მაესტროს" და GDS-ისმაუწყებლობა
ტელეკომპანა "იმედის", "მაესტროსა" და GDS-ის სატელევიზიო მაუწყებლობა, დაახლოებით 40 წუთია შეწყვეტილია. როგორც
report.ge-ს ტელეკომპანია "იმედის" საინფორმაციო სამსახურის უფროსმა და წამყვანმა, ირაკლი ჩიხლაძემ განუცხადა, მწყობრიდან გამოვიდა სერვერები და ტექნიკური ჯგუფი ცდილობს, რაც შეიძლება სწრაფად აღადგინოს მაუწყებლობა.
ამ ეტაპზე, მომხდარის მიზეზი უცნობია.
"სამწუხაროდ, ტელეკომპანია ,, იმედი” და ,,იმედის” ჰოლდინგში შემავალი ,,მაესტრო” და GDS ჯერჯერობით ვერ ახერხებენ მაუწყებლობის განახლებას. სერვერები დაუდგენელი მიზეზით გამოვიდა მწყობრიდან. ტექნიკური სამსახური ცდილობს მაუწყებლობისა და სამუშაო პროცესის აღდგენას. "ქრონიკის" მთავრი გამოშვება ეთერში დაბრუნდება პირველივე შესაძლებლობისთანავე" - აცხადებს ირაკლი ჩიხლაძე.