"ამის მოთმენა აღარ შეიძლება სანამდე ვუთმინოთ პასუხი მოგეთხოვება"– მსახიობები ლეობორისტთა ლიდერს დაუპირისპირდნენ
ლეიბორისტული პარტიის ლიდერი შალვა ნათელაშვილი სოციალურ ქსელში კახი კავსაძის და ბიძინა ივანიშვილის ერთად გადაღებულ ფოტო გამოაქვეყნა, რომელსაც უამრავი გამოხმაურება მოჰყვა. ნათელაშვილმა კავსაძეს მლიქვნელი უწოდა.„კარგია ივანიშვილის ბაგაზე გარანტირებული კვება. რამდენმა ასეულმა ადამიანმა ვერ მიაღწია მაგ ასაკს შიმშილისგან, თუმცა ივანიშვილს მათთვის ლუკმაც არ მიუწვდია, რადგან არ ყოფილან მლიქვნელი მსახიობები” – დაწერა შალვა ნათელაშვილმა.
შალვა ნათელაშვილის ამ ქმედებას, „იმედის“ ეთერით, ნანული სარაჯიშვილი გამოეხმაურება, რომელმაც განაცხადა, რომ ნათელაშვილი მსახიობებს შეურაცხყოფას ხშირად აყენებს.
„ამისთვის აუცილებლად უნდა მოეთხოვოს პასუხი. რამდენჯერ შეიძლება ამის მოთმენა?! მე არ ვიცი, არც გამიგია ასეთი ბოღმა, ასეთი საშინელება, ასეთი შეურაცხყოფა. ვინც არ უნდა იყოს, რა მნიშვნელობა აქვს. კახი კავსაძის სურათი დაუდია და ბატონი ბიძინა ივანიშვილის, რომელმაც ამდენი რამე გააკეთა, ამდენ რამეს აკეთებს კაცი, იმის ნაცვლად, რომ მადლობა ვუთხრათ.
ეს ხომ ვიცით რისგან არის გამოწვეული, ბოღმა, შეუმდგარი პოლიტიკოსი, ასე შევაფასებ მე შალვა ნათელაშვილს და ეს მარტო ჩემი აზრი არ არის. როგორ შეიძლება ასეთი შეურაცხყოფის მიყენება. ამას აუცილებლად მოჰყვება ცუდი ამბავი. ამას ვერავინ მოვითმენთ, აუცილებლად ვაგებინებთ პასუხს. შალვა ნათელაშვილო მოგეთხოვება პასუხი“, – განაცხადა ნანული სარაჯიშვილმა.