„ სააკაშვილი ისევ ის მიშა ხომ არ გგონიათ, რომ შევარდა პარლამენტში და რევოლუცია მოაწყო? ის იყო ახალგაზრდა, ქარიზმატული ლიდერი, რომელსაც ჰქონდა ძალა, ენერგია და არაფერი ჰქონდა დასაკარგი. ახლა ის არის ერთი 55 წლის ჩვეულებრივი ლოთი, რომელიც ბოლოს ფხიზელი როდის იყო არავინ იცის. რისი ჩამომსვლელია, რისი რევოლუციის მომწყობია...ზის შოკოლადში უკრაინაში, ოლიგარქების ხარჯზე და ცხოვრობს განცხრომაში,“- განაცხადა სიგუამ ფეისბუქ ჩართვაში, სადაც სარფში დაგეგმილ აქციის ჩაშლის მიზეზებზე ისაუბრა და აღნიშნა, რომ ფულის გარეშე არცერთი ბრძოლა, აქცია და რევოლუცია არ ხორციელდება.
„დავდიოდი ქალაქიდან ქალაქში, ვესაუბრებოდი ადამიანებს, ისინი გამოთქვამდნენ სურვილს წამოსულიყვნენ ჩვენთან ერთად, მაგრამ ითხოვდნენ ფულს, რადგან ყველას ქვეყნის გარეთ აქვს ფინანსური პრობლემები. რისი სარფში ჩამომსვლელები და დამქუხებლები არიან კლავიატურის მიღმა არავინ არაფერს აკეთებს,- ამბობს სიგუა.
მისი აზრით, ქართულ ოპოზიციას დღეს ერთადერთი ლიდერი ჰყავს და ეს ლიდერი ნიკა მელიაა.
„ყველა პოლიტიკოსი სააკაშვილის თამადობით, ცდილობს ილუზიებში ამყოფოს თავისი ამომრჩეველი. ერთადერთი ლიდერი, ვისი იმედიც მართლა შეიძლება ჰქონდეს საზოგადოებას, ვისაც რეალურად შეუძლია ხალხს წარუძღვეს, არის ნიკა მელია,“ -განაცხადა გიორგი სიგუამ.