ჯანმრთელობის მხრივ მაქვს პრობლემები, მაგრამ ჯერ პოლიტიკიდან წასვლას არ ვაპირებ -ამის შესახებ დედაქალაქის მერი, კახა კალაძე ჟურნალისტებთან საუბრობს:“რაც შეეხება მომავალ არჩევნებს, ამასთან დაკავშირებით გითხარით ჩემი პოზიცია, რომ მოგვიანებით ყველაფერი იქნება ცნობილი. ბევრჯერ გითხარით ამასთან დაკავშირებით, რომ ვარ პარტია “ქართული ოცნება – დემოკრატიული საქართველოს გენერალური მდივანი, პარალელურად ვარ დედაქალაქის მერი მაგრამ მიზანმიმართულად ავრცელებთ ინფორმაციას იმასთან დაკავშირებით, რომ თითქოს პოლიტიკიდან მივდივარ, ჯანმრთელობის მდგომარეობა თითქოს მოვიგონე და ეს ალბათ უნდა გამოვიყენო იმისთვის, რომ პოლიტიკიდან უნდა წავიდე. ეს არ არის სწორი ინფორმაცია. კი, ჯანმრთელობის მხრივ მაქვს პრობლემები, მაგრამ ვაგრძელებ მკურნალობას, მაგრამ ჯერ პოლიტიკიდან წასვლას არ ვაპირებ…”