არ გვინდოდა, მაგრამ ეს შეზღუდვები მივიღეთ, ვწუხვარ...- სასწრაფოდ! გახარიამ ახლახანს განცხადება გააკეთა

საქართველოს პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე საზოგადოებას ახალი შეზღუდვები და ცვლილებები გააცნო. 1. პირველ ოქტომბრამდე, ბათუმსა და ქობულეთში მოსწავლეები და სტუდენტები სწავლას დისტანციურად დაიწყებენ პრემიერის თქმით, აღნიშნულ ორ ლოკაციაზე სწავლა 15 სექტემბრის ნაცვლად 1-ელ ოქტომბერს განახლდება, როგორც სკოლებში, ისე უმაღლეს სასწავლებლებში, მანამდე კი საგანმანათლებლო დაწესებულებებს შეუძლიათ სწავლა დისტანციურად აწარმოონ.

2. 15 სექტემბრიდან, PCR ტესტის პასუხის წარდგენა საქართველოში შემომსვლელ ყველა უცხოელს მოუწევს „15 სექტემბრიდან, საქართველოში შემომსვლელ ყველა უცხოელს, მათ შორის, ნაცვალგების პრინციპზე დაყრდნობით, რომლებსაც არ ჰქონდათ არანაირი ვალდებულება, ქვეყანაში თავისუფლად შემოდიოდნენ, მათ გაუჩნდებათ ვალდებულება იქონიონ 72 – საათიანი PCR ტესტი, რაც არის აუცილებელი იმისთვის, რომ ჩვენ კოლეგებთან და პარტიორებთან, ჩვენი მოქალაქეების და სტუმრების ჯანმრთელობაც დავაზღვიოთ. ეს გადაწყვეტილება ეხება ნაცვალგების პრინციპით იმ ქვეყნებს, რომელსაც არანაირი შეზღუდვა არ ჰქონდათ, მათ დაუწესდებათ მსგავსი თხოვნა 15 სექტემბრიდან“, – განაცხადა პრემიერმა. 3. სავალდებულო კარანტინის ვადა მცირდება პრემიერის განმარტებითვე, რვადღიანი კარანტინის შემდეგ პირს ჩაუტარდება PCR ტესტირება და უარყოფითი პასუხის შემთხვევაში, მეცხრე დღეს კარანტინს დატოვებს. თუმცა, მოქალაქეს ვალდებულება ექნება, განმეორებითი ტესტირება მე-12 დღეს ჩაიტაროს. 4. გამკაცრდება რეგულაციები სადღესასწაულო შეკრებებზე „აუცილებელია სოციალური და სარიტუალო ღონისძიებების გამკაცრება, განსაკუთრებით დახურულ სივრცეში. ამის აშკარა მაგალითი გვანახა აჭარის შემთხვევებმა. ამიტომ დახურულ სივრცეებში ღონისძიებების ჩატარების კონტროლი უკიდურესად გამკაცრდება. ეს არ ეხება ღია სივრცეს. ღია სივრცის შემთხვევაში დამატებითი რეგულაციები იქნება მიღებული“, – აღნიშნა გახარიამ.