შუსტერმა თქვა, რომ მას შემდეგ, რაც გამოცემა "GORDON"-ის დამფუძნებელმა დიმიტრი გორდონმა მიხეილ სააკაშვილისგან წერილი მიიღო, იგი დაუკავშირდა სააკაშვილის დედას, გიული ალასანიას და მან გაუგზავნა დევიდ სმიტის მიერ შედგენილი სამედიცინო დასკვნის ტექსტი.
"მიხეილ სააკაშვილთან სიტუაცია სიკვდილ-სიცოცხლის ზღვარზეა. დაკავებისა და პატიმრობის შემდეგ მას 14 სხვადასხვა სახის მედიკამენტი გადაეცა. ეს ისეთი მედიკამენტია, ძირითადად ფსიქიკაზე მოქმედებს. დიახ, არსებობს უსაფრთხო პრეპარატები, როგორიცაა მელატონინი, მაგრამ მელატონინი ასევე თამაშობს როლს. მას განუვითარდა ტვინის დისფუნქცია, თეთრი ნივთიერების დისფუნქცია პრეფრონტალურ ქერქში... სააკაშვილს ბოსტნეულად აქცევენ, უბრალოდ ბოსტნეულად. არის ნივთიერებები, რომლებიც იწვევს დამოკიდებულებას" ,- თქვა მან.
შუსტერმა აღნიშნა, რომ სექტემბრის დასაწყისიდან მედიკამენტები ექვს წამალამდე შემცირდა, მაგრამ უფრო ძლიერი გახდა.
"მას ტვინის სერიოზული დაზიანება აქვს. ეს ყველაფერი გამოსწორებადია, მაგრამ ეს სასწრაფოდ უნდა მოხდეს", - ხაზგასმით აღნიშნა ტელეწამყვანმა. გარდა ამისა, მიხეილ სააკაშვილის ფრჩხილებსა და თმაში აღმოჩნდა ბისმუტის, ბარიუმის და ვერცხლისწყლის კვალი, ამბობს ის."სასწრაფოდ უნდა გადაიყვანონ სპეციალიზებულ კლინიკაში. ასეთი მსოფლიოში არც ისე ბევრია. ასეთი კლინიკა არის აშშ-ში. და სერიოზული დეტოქსიკაციის პროცესი უნდა გაიაროს...შეიძლება, გულუბრყვილო ვარ, მაგრამ არა უშავს, გულუბრყვილობა ზოგჯერ სასარგებლოა. მე მჯერა, რომ ერთადერთი ადამიანი, ვისაც შეუძლია მაგიდაზე მუშტის დარტყმა, არის პრეზიდენტი ბაიდენი.არ მჯერა, რომ ევროპელები საქართველოს ხელისუფლებას რაიმეს დაკისრებას შეძლებენ. რა თქმა უნდა, ამას საქართველოს ხელისუფლება რუსებთან ერთად აკეთებს. ამაში ეჭვი არ მეპარება, რადგან კარგად მახსოვს ბერლუსკონის სიტყვები, 2008 წელს მან თქვა ისეთი ფრაზა, რომ "პუტინმა თქვა, რომ სააკაშვილს ბურთებით ჩამოკიდებდა", - ხაზგასმით აღნიშნა ტელეწამყვანმა.
შუსტერმა აშშ-ის პრეზიდენტს პირდაპირ ტელევიზიით წერილი მისწერა - "ძვირფასო პრეზიდენტო ჯო ბაიდენ, გთხოვთ, გადაარჩინე მიშა სააკაშვილი!",- და მოუწოდა მოქალაქეებს მსგავსი თხოვნით მიმართონ ბაიდენს და შეავსონ ბმული.
"ეს არის ადამიანის ცხოვრება, რომელმაც...[ხელისუფლებისთვის] იმასაც კი არ აქვს მნიშვნელობა რამდენი გააკეთა უკრაინისთვის, საქართველოსთვის - თუ მას ასე ექცევიან, მაშინ წარმოიდგინეთ, რისი გაკეთება შეუძლიათ თითოეული ჩვენგანისთვის პუტინის ან ივანიშვილის მსგავს ტირანებს. სააკაშვილის გადარჩენით საკუთარ თავსაც ვიხსნით“, - აღნიშნა მან.