Bmatch-ის პლატფორმა საქართველოში მარტში ამოქმედდა და ტესტირების რეჟიმში წარმატებით მუშაობდა. ამ ეტაპზე პლატფორმას უკვე იყენებს 15 ბანკი, ოთხი მიკროსაფინანსო ორგანიზაცია, ერთი მსხვილი კომპანია და უცხოური ინვესტიციების ფონდი.
„მნიშვნელოვანია, რომ გარიგებები არ ხასიათდება დიდი მერყეობებით და, რაც მთავარია, სრულად შეესაბამება გარიგების დადების დროს ბაზარზე არსებულ რეალობას“, – ნათქვამია განცხადებაში.
ეროვნული ბანკი აღნიშნავს, რომ ახალი პლატფორმა რამდენიმე ძირითად პირობას ემყარება: გარიგებები იდება სტანდარტული პირობებით – ერთიდაიგივე ანგარიშსწორების თარიღით და გარიგების მინიმალური ოდენობის არსებობისას. გარდა ამისა, გარიგება იდება ავტომატურად მყიდველისა და გამყიდველის კურსის თანხვედრის შემთხვევაში, რაც უზრუნველყოფს გარიგების დადებას კონკრეტულ მომენტში არსებული საუკეთესო კურსით.
![](/uploads/posts/2021-02/medium/1612185077_1612185042.jpg)
საქართველოში დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება.